يا ربي انت المستعان
على السارق وع الناهب
على اللي خان .
واللي قتل كل الأحبة.....
في الميدان .
واللي سلب نظرالحبايب
واللي هاجر واللي باع ..
واللي عايز يسرق الثورة بزمان .
***********************
يا ربي انت المستعان .
قتلونا . جوعونا .
حتى لو راح تسجنونا ..
حتى لو راح تسحلونا ...
الميدان هو الميدان
ملكنا .. ملك الشباب
اللي ثاروا ضد ظالم
واللي شالوا حكم سالم
واللي خلوا عادلي .....
جوة أقفاص ظلام .
اللي حاكموا جمال وأبوة .
واللي حالفين يسجنوه .
لجل ظلم أتعذبوة
مش هانرحل من الميدان .
*********************
يا ربي أنت المستعان .
عللي قاعد جوة قلعة ......
يدير عصابة .
واللي فاكر اننا عايشين في غابة .
واللي عايز يسرق القوت .....
من الغلابه .
واللي عايز يخطف الثورة في سحابة
عامل كبير للثورة ليه ؟؟
عمال توزع في الرشاوي يا شيخنا ليه ؟؟
هو الفساد مخلوك معاك ؟.
هو الفساد ساكن حشاك .؟
هو انت ايه ؟؟
حزب الفساد راح وانتهى
حزب الضلال مات من زمن .
عمال بتحيي فيه دا ليه ؟؟
**********************
يا ربي أنت المستعان
على اللي سارق
واللي ناهب والفلول .
واللي عامل فيها حامي الثوره هوة ...
وهو غول .
واللي قاعدين على الكراسي
يحكمونا وينهبونا
وهما أصلا كلهم حبة فلول .
الميدان راجع ملان
والشهيد عمال بيأدن في الميدان
يا أهل الميدان
اللي راح منا زماااااان
رجعوه ؟؟
رجعوا حق اللي ماتوا في الميدان .
وقفوا الغول اللي سارق.....
ثورة الشعب الجعان .
صحوا كل الموتى ترجع على الميدان
الظلم ساكن فيكي لسه ليه غالية
الظلم ناهب حقنا
حق الغلابه
حق اللي راحوا في الميدان
يا ربي انت المستعان
عللي ظالم واللي سارق
واللي ناهب واللي خان
***************
ياربي أنت المستعان
محمد حجاج
************** *
ليست هناك تعليقات:
إرسال تعليق